أحسن النكت في 2010

**Admin** الثلاثاء أغسطس 24, 2010 9:30 am

واحد النهار جحا بعثاتو امو للحانوت قاتلو روح اشريلي 15 زيتونة

ومن بعد كي راح للحانوت وشراهم طاحتلو حبة زيتونة حوس عليها ولكن ما لقاش قال واش راحلي نروح نروح

ومن بعد كي رجع عند امو قاتلو دبر راسك روح جيبها من السما ولا من الارض

راح يحوس عليها ولكن ما لقاش وكي جاي مروح للدار لقا واحد المرأة كحلة مع زوجها قاللها "اي زيتونتي كبرتي وتزوجتي"

قالك كاين زوج كذابين واحد النهار تلاقاو وقاعدين يشوفو في السماء

قال الاول للثاني راك تشوف هاذ السما انا زدت كي بناوها

قاللو الثاني انت زدت كي بناوها وانا بنيت فيها هههههه

قالك واحد العجوز تكذب بزاف بعثها ابنها للحج قال بالاك تنقّص شوية من الكذب

وكي رجعت قاللها يا مّا احكيلنا واش شفتِ في الحج

قاتلو كي رجعنا حبساتلنا الطيارة في نص الطريق ومن بعد شبعنا دزان ههههه

رجع الطفل من المدرسة فرحا فسأله أبوه عن السبب فقال له: أتعرف ياأبي أني الوحيد الذي أجاب عن سؤال طرحه المعلم

قال الأب: حقا وماذا كان السؤال؟

الطفل: من الذي لم يقم بواجباته؟

واحد قروي .. ركب مع تكسي، ركب زوجته قدام باش السائق ما يشوفهاش في المراية

قالك واحد يمشي في الطريق وقاعد يحوس على المخبزة
الي يلقاه يسقسيه وين جات يجاوبو يقولو راهي الفوقا
قاعد غير يمشي ملقاهاش
ملا قال والله غير نبدل السؤال
حكم واحد وقالو وين جات هذي الفوقا
قالو هذاك راك خليتها التحت

قالك واحد مريكاني جا للجزائر وعمل حادث , ايا جا واحد من الشباب البطال وتبرعلو بالدم , كي فطن المريكاني وراح روح للمريكان , راح السفير يزور فيه في نيويورك صابو تحت ناطحة سحاب قاعد و مفرش كرتون ويتكيف في دخان ريم ويقول " ياخي بلاد ياخي

قالك واحد غلباتو مرتو ديما يغسل المواعن هو , واحد النهار راح لواحد صاحبو قالو كيفاش ندير معاها قالو روح مزعف واصرخ عليها ضرك تخاف منك , أيا نهار دخل للدار مزعف بدا يعيط قالها أسمعي يا خيرة ناضت هي ثاني تعيط قاتلو واش تحب يا حمار قالها كشما مواعين نغسلهم

ليلة كان ربعة من ليجون يحششوا ورا باطيمة وبعد مدة خلصلهم الكبريت, فبعتوا واحد منهم يطلب, مالا راح دار على لباطيما ولاّ ليهم بعد, قاللهم: يا جماعة ما عندكمش كبريت؟ قالوا: أقعد رانا بعتنا واحد يجيب...

مرة عروبي شاف لوحة مكتوب عليها: مزرعة ابقار فسال صاحبها : كيف تزرعون الابقار!! فرد عليه نرش سكر على التراب وثاني يوم يطلع بقر
فاخذ الرجل شكارة سكر ورشها على الارض وثاني يوم راح يشوف البقر........ فوجد السكر عليه نمل
فقال:والله البقر وهو صغير شكله حلو

قالك ملا جماعة بخلاء راحوا البحر قالهم واحد منهم لخرج راسو الاول هو لخلص القهوة ملا غطصو روسهم في البحر ماتوا كلهم من كثرة البخل